Added on 7 September 2017

Year of creation

2017

Credits and thanks

Titel: Filterbubble
-------------------------------------------------------------------------
Beat: Summertime – Clams Casino
--------------------------------------------------------------------------
Text:
I minere Filterbubble, lached Lüüt wäni säge, dasi Lieder mache,
aber fiireds nacher, obwohls Rap isch (Rap isch),
i minere Filterbubble, losed Lüüt astreini Raplieder und Tracks aber,
säged druf agsproche, dass Rap wack isch (wack isch),
i minere Filterbubble, wo niemer je en Füehrerschii hät gmacht,
aber jede drüberlacht us Übermuet, biser mal zügle muess,
i minere Bubble, wo Lüüt alles teiled und shared, liked, herzled, während
sie dir glich nie zeiged, wer sie eigentlich wäred,
sie verstönd nüt vo Flows und Rapgame, und villicht trotz oder grad wäg dem,
liebi mini Filterbubble, lieb ich all die Lüüt, wo sich nüt us mine Lieder mached,
wil i minere Filterbubble, fühled sich vil als Nabel, hebed
en Schnabel über jede, als wäreds so Fabelwese, ich lan sie rede,
i dä Bubble, da bim Sihlfäld, wo dä Yuppie mit vil Gäld als wärs Spielgäld,
die igsässni Familie id Peripherie drängt – und d’Ziit rännt
i minere Bubble, wo jede schlächt über Gentrifizierig dänkt,
aber jede wo dä Begriff kännt, en Teil vom Problem isch irgendwänn,
i minere Bubble, wo dä Trouble isch, wänn dis Lieblingskafi
am Nami am vieri, scho zuehät, und du muesch es neuis sueche
(fuck, wienich das verflueche)
i minere Filterbubble, wo vil Gesabel,
dävo ablänkt, dass mir vielfach, vo vil Sache, gar kein Plan händ,
und trotzdem, und trotzdem i minere Bubble bini gern Dihei,
so viles scho gseh, aber lern für zwei, wär gern weise,
aber bin leider no wiit weg vom wertigsfrei si,
i minere Filterbubble, wo Filterkafi es Verbräche isch,
wil die tatsächliche Verbräche z’wiit weg vom eigene Läbe sind, wo isch dä Läbenssinn?
i minere Bubble gsesch vil, wo wiises Pulver vo Theke rupfed,
die gliche, wo sich ekled, wänn sich ander Shuger id Vene drucked,
i minere Bubble, wo jede super offe und open minded isch,
aber stolz dä schwul Kolleg als Trophäe umezeigt, bises peinlich wird,
i minere bubble woni Bubble säg stat Blase, und ich kein blasse,
han, warum Lüüt Stunde astönd für chli Glacé, ich chans nöd fasse,
i minere Bubble, wo sich Job a Job reiht, unds vo Vorteil wär,
mer wär online scho wer weiss scho wer, irgednsonen Scheissshower,
i minere Bubble, wo so einigi meined sie hegeds zu öppis bracht,
Mindstate ihr chönd mich mal, weisch ebe, mer gwöhnt sich dra,
sie verstönd nüt vo Flows und Rapgame, und villicht trotz oder grad wäg dem,
liebi mini Filterbubble, lieb ich all die Lüüt, wo sich nüt us mine Lieder mached,
(das sind verdammt vil)
das isch mini Bubble, woni weiss, es hät vil gueti Mänsche, da drin
wo guet im kämpfe sind, au wänn ine s’Läbe guet ischänkt und vil
vo dä Lüüt i minere Bubble, erläbed vil, trotzdem bliibt ihre Läbensstil
läbensfroh, läbensbejahend, läbenswillig,
i minere Bubble, i minere Bubble läbt sichs chillig,
trotzdem söt ich us minere Bubble usbräche, Ziit
z’gseh was es i dä Bubble näbedra so git,
bevor mer all uswächselbar sind,
und nüme a die andere dänked, drüber nadänked was stimmt,
all dä Wohlstand länkt ab vo Sinn, i dä Bubble wird mer schnäll mal blind
sie verstönd nüt vo Flows und Rapgame, und villicht trotz oder grad wäg dem,
liebi mini Filterbubble, lieb ich all die Lüüt, wo sich nüt us mine Lieder mached,
sie verstönd nüt vo Flows und Rapgame, und villicht trotz oder grad wäg dem,
liebi mini Filterbubble, lieb ich all die Lüüt, wo sich nüt us mine Lieder mached.

40 plays

269 downloads