Added on 7 September 2017

Album

Lund EP

Year of creation

2017

Credits and thanks

Titel: Jajafuessball
---------------------------------------------------------------------------
Beat: Jajaluegschmol von Emm & DJ Sweap
(https://soundcloud.com/emm041/emm-jajaluegschmol)
---------------------------------------------------------------------------
Text:
Ich han scho Bildli dealet ufem Idaplatz mit Fründe,
da hät Züri nanig gwüsst, dass es dä idaplatz git, früehner,
weisch früehner, so grau, härt und chalt,
däfür ischs Quartierfest nanig us allne Nähte platzt
aber so gats halt, hüt hock ich uf Parkbänk im Retroswag,
und vermiss die Ziit wie Züri aständigi Velowäg,
aber ich bliib, ganz egal was jetzt no chämt,
im Herze dä Typ, wo wiiter gern so rappt, fernab vom Szenechäs,
und lueg, ich bin immerno kein Singer/Songwriter,
säg statt Bon Iver immerno Bon Eiver,
känn kei Tonleiter, und lan ich mer uf dä Gitarre was vorzeige,
bini im Chopf leider wiit weg, bi Beats, Raps, wie en Vollweiche,
das isch Rap, das ischs Läbe nachem Masterabschluss,
ime Fach, woni wohl es läbelang Tram fahre muss,
aber wart ab, villicht brucht das alles chli Ziit
und susch blibi halt ä chlini Nummere wie dä BMI vom Asterix

Refrain:
ich bin immerno däbi, mit so Rap uf Beats
aber wänns im Bewerbigsgspröch nach Hobbies fröged, sägi glich,
jaja, Fuessball, jaja, Fuessball,
jaja, Fuessball, jaja, Fuessball,
ich bin immerno so da, als Rapper so parat,
aber wänns uf dä Arbet fröged, was ich am Wuchenänd so gmacht ha,
jaja, Fuessball, jaja, Fuessball,
jaja, Fuessball, jaja, Fuessball

Hüt simer classy mit Gin Tonic us dä Kafitasse
sovil scho erläbt, aber mis Biopic isch nanig nache,
sie fröged, wie lang ich no i so Studäntewohnige Party mache,
so lang die Mädels mini Avance nanig falsch ufassed
ich will keis Fass ufmache, aber ich bin ganz en Krasse
so erwachse, s’fühlt sich a wie s’erstmal Vollpriis Chrankekasse,
mir stossed a und lached, mit Träne i dä Auge,
dä Ernst vom Läbe schafft euis, Chance, wänn nur jede vo euis dra glaubt,
und was weisch dänn du, vo Partys und vo Beizetours
mit dä geilste Crew, mir sind wie damals d’class of 92’,
red devils, bringed euises Läbe uf das next level,
ich unterstütze mini Jungs, egal was sie für en Weg wähled,
s’Läbe isch kein Rapbattle, und wänn dänn so en härt lahme,
mit vil Fremdscham, wo all i dä Hälfti scho wänd ga,
aber easy, ich bliib no biz,
wils halt schono easy isch, zumindest ziitewiis

Refrain:
ich bin immerno däbi, mit so Rap uf Beats
aber wänns im Bewerbigsgspröch nach Hobbies fröged, sägi glich,
jaja, Fuessball, jaja, Fuessball,
jaja, Fuessball, jaja, Fuessball,
ich bin immerno so da, als Rapper so parat,
aber wänns uf dä Arbet fröged, was ich am Wuchenänd so gmacht ha,
jaja, Fuessball, jaja, Fuessball,
jaja, Fuessball, jaja, Fuessball,

Bridge:
jetzt ghöri au scho es läbelang
sie möged kei Rap. nur Sprächgesang
und mittlerwile verspüri da scho dä frächi Drang,
z’säge, sie sorry, aber läck mich am...

Refrain:
ich bin immerno däbi, mit so Rap uf Beats
aber wänns im Bewerbigsgspröch nach Hobbies fröged, sägi glich,
jaja, Fuessball, jaja, Fuessball,
jaja, Fuessball, jaja, Fuessball,
ich bin immerno so da, als Rapper voll am Start,
abers wänns säged, sie händ mich betrunke vorem Club gseh rappe, sägi grad
jaja, Zuefall, jaja, Zuefall,
also guet, mann, ja, ich muess mal...

21 plays

271 downloads