Titel: Rocky im Meyers (Intro)
-------------------------------------------------------------------------
Beat: Anno 1981 – Chakuza
--------------------------------------------------------------------------
Text: Alli gönd in Ustusch, im Bus dur Amerika,
Text: G’startet vo dä Uni, jetzt simer da,
Master in Politik, aber niemerd will euis ha
s’Xing-Profil isch lit, aber niemer schriebt eus a,
immer mobil und fit, aber finded no kei Halt, was söll das alles,
wem sölli gfalle, ich han kein blasse,
alles was ich weiss, isch nur was ich nöd will mache,
wie en vörige schaffe, völlig verschlafe,
jede morge mit allne andere im Bus die Höll duremache,
und sie säged, das seg typisch die Generation Y,
und mängisch befürcht ich, was sie reded isch lei
der biz wahr, und dänn flücht ich, i Beize und Bars,
lauf betrunke dur Züri, verpass leider s’letschte Tram,
läb i dä Wält vo dä gfalle, wo jede wett gfalle,
en chline Text, das isch alles, du schriebsch ja gern
s’isch au guet für dich, guet fürs Karma,
nur nöd guet fürs Konto, aber en Job gits glich nöd wäg dem
Refrain:
Mängisch hocki im Meyers, s’lauft wieder Rocky im Zweite,
hock det älleige, und hoffe im gheime,
dass ich nöd ände wie dä Rapper damals womer so leid ta hät,
so leid tuet, wil ich weiss no guet,
wie ich als Chind immer dänkt han, Rapper si isch cool,
wil Rapper wüssed was tue und Rapper gats immer guet,
fuck, was mach ich dänn jetzt,
woni weiss, s’Läbe isch meh als Party und Sex
Weisch ich wür gern, aber mit dem Rap wirds für mich glaub nüt meh,
trotzdem verbrötli Budget, hol doch mal öpper d’Füürwehr,
i euie Club chumi nüme ine, wie wänns morge am drü wär,
und ich sta mit dä Jungs ohni Frau däfür blau vorem Türsteher,
als chind hani immer dänkt, wäni dänn mal gross bin,
wird ich Rapper, aber jetzt weiss ich Rapper sind i dä Schwiiz chli so die,
Lüüt wo mit über drissg, am zwei am morge
no im Meyers hocked und am Fernseh lauft Rocky, fuck
ich mein fuck und das ame Mittwuchabig,
wieso ich das weiss: ich bin mit ihm da gsi,
nachere beschissne Party, irgendwie tragisch,
das isch dä Stopp vome Ding wo nöd annährend in Fahrt isch
und ich schaff mir soviel Problem wo kei Problem sind,
was Skifahre? vor luuter Schnee bin ich scho Schneeblind
so oft dänki, da lit no meh drin,
aber ich glaub, ich würds nöd mal merke, wänn ich scho det bin,
kein Bock uf all dä Alltagchram, nach Standardplan
i mim Chopf dreht sich jetzt scho alles – Tartanbahn,
und trotzdem seit min Vater mach doch mal halblang,
redsch als wärsch am Ändi, aber bisch nanig mal am Afang
Rocky im Meyers (Intro)
More information
Added on 7 September 2017
Credits and thanks
Titel: Rocky im Meyers (Intro)
-------------------------------------------------------------------------
Beat: Anno 1981 – Chakuza
--------------------------------------------------------------------------
Text: Alli gönd in Ustusch, im Bus dur Amerika,
Text: G’startet vo dä Uni, jetzt simer da,
Master in Politik, aber niemerd will euis ha
s’Xing-Profil isch lit, aber niemer schriebt eus a,
immer mobil und fit, aber finded no kei Halt, was söll das alles,
wem sölli gfalle, ich han kein blasse,
alles was ich weiss, isch nur was ich nöd will mache,
wie en vörige schaffe, völlig verschlafe,
jede morge mit allne andere im Bus die Höll duremache,
und sie säged, das seg typisch die Generation Y,
und mängisch befürcht ich, was sie reded isch lei
der biz wahr, und dänn flücht ich, i Beize und Bars,
lauf betrunke dur Züri, verpass leider s’letschte Tram,
läb i dä Wält vo dä gfalle, wo jede wett gfalle,
en chline Text, das isch alles, du schriebsch ja gern
s’isch au guet für dich, guet fürs Karma,
nur nöd guet fürs Konto, aber en Job gits glich nöd wäg dem
Refrain:
Mängisch hocki im Meyers, s’lauft wieder Rocky im Zweite,
hock det älleige, und hoffe im gheime,
dass ich nöd ände wie dä Rapper damals womer so leid ta hät,
so leid tuet, wil ich weiss no guet,
wie ich als Chind immer dänkt han, Rapper si isch cool,
wil Rapper wüssed was tue und Rapper gats immer guet,
fuck, was mach ich dänn jetzt,
woni weiss, s’Läbe isch meh als Party und Sex
Weisch ich wür gern, aber mit dem Rap wirds für mich glaub nüt meh,
trotzdem verbrötli Budget, hol doch mal öpper d’Füürwehr,
i euie Club chumi nüme ine, wie wänns morge am drü wär,
und ich sta mit dä Jungs ohni Frau däfür blau vorem Türsteher,
als chind hani immer dänkt, wäni dänn mal gross bin,
wird ich Rapper, aber jetzt weiss ich Rapper sind i dä Schwiiz chli so die,
Lüüt wo mit über drissg, am zwei am morge
no im Meyers hocked und am Fernseh lauft Rocky, fuck
ich mein fuck und das ame Mittwuchabig,
wieso ich das weiss: ich bin mit ihm da gsi,
nachere beschissne Party, irgendwie tragisch,
das isch dä Stopp vome Ding wo nöd annährend in Fahrt isch
und ich schaff mir soviel Problem wo kei Problem sind,
was Skifahre? vor luuter Schnee bin ich scho Schneeblind
so oft dänki, da lit no meh drin,
aber ich glaub, ich würds nöd mal merke, wänn ich scho det bin,
kein Bock uf all dä Alltagchram, nach Standardplan
i mim Chopf dreht sich jetzt scho alles – Tartanbahn,
und trotzdem seit min Vater mach doch mal halblang,
redsch als wärsch am Ändi, aber bisch nanig mal am Afang
33 plays
205 downloads
Flag this content